منتديات مدرسة كفر الدوار الثانوية الصناعية بنات
السلام عليكم و رحمة الله و بركاته
أهلاً و مرحبا بكم في منتدى مدرسة كفر الدوار الثانوية الصناعية بنات
لتتمكن من المشاركة و الإستفادة من المنتدى ندعوكم للتسجيل

منتديات مدرسة كفر الدوار الثانوية الصناعية بنات

منتدايات ثقافية تعليمية
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول


شاطر | 
 

 خافى على نفسك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
توتى عادل




الساعة :




مصر
انثى عدد المساهمات : 522
نقاط : 1497
التقييم : 15
تاريخ التسجيل : 20/03/2012
العمر : 22

مُساهمةموضوع: خافى على نفسك   السبت أبريل 07, 2012 10:21 pm



بسم الله الرحمن الرحيم

كلام باين من عنوانه انه موجه للبنات في كل مكان وزمان البنات اللي انا بحبهم وبخاف عليهم لانهم اخواتي .

و اتمنى من كل بنت تدخل الموضوع تقراه مرة واتنين وتلاتة وتفهمه كويس عشان مصلحتها هي لان انا موش هستفيد حاجة شخصية لكن كل اللي عاوزاه انك انتي مينضحكش عليكي تحت شعارات كاذبة.

بصي يا ستي انا دخلت عالم النت داخلة جامدة و اتصدمت من حاجات كتير مكونتش فاكرة ان في كده في الدنيا وده شيئ عادي والحمد لله ربنا ستر ومنضريتش في حاجة تسبب لي اذى طول عمري ولا حاجة بس من واقع خبرتي اللي اكتسبتها بوجه لك كلامي اللي جاي.

دلوقتي انا دخلت شاتات و شفت ان معظم الناس اللي بتتكلم في كلام موش مفيد عادي مفيش اي مشكلة اهو الواحد بيفضفض.

لكن عشان تسيبي نفسك لواحد يستغلك ويلعب بيكي ده اللي مش لازم تسمحي بيه.

هيبدأ الكلام عادي جدا واحنا اخوات وانتي احسن اختي عندي في الدنيا كلها.

بعد كده بيقولك ممكن نتقابل عشان انا هموت واشوف اختي شكلها ايه.


اوي تدي اميلك لحد غير لما تتاكدي انه بنت على فكرة حرام ان بنت تكلم ولد على الاميل لوحدهم لان ده يعتبر خلوة غير شرعية وحرام شرعا.

تعرفي لما تكوني راكبة في تاكسي لوحدك في حتة مقطوعة موش بتبقي خايفة من السواق؟ موش بتبقي حاسة ان في حاجة جواكي مهزوزة وانك بتترعشي من الخوف

اهو وانتي بتكلمي واحد على الايميل لوحدكم نفس الاحساس لازم يكون موجود لان الشيطان بيزين الحاجة ويقولك ان ده مجرد فضول موش حرام ولا حاجة وانتو موش بتتكلمو في حاجة وحشة ده انتو حتة اخوان


ميغركيش ان اللي بتكلميه فيه بينك وبينه اميال ومسافات اعصمي نفسك قبل ما الفاس تقع في الراس ونقول يا ريت اللي جرى ما كان .


يا بنتي اقسم لك بالله العظيم انك بتبيعي نفسك بالرخيص اوي اوي اوي لما تسيبي حد يقولك كلام في حب و انتي مصدقاه او عاملة مصدقاه

متسيبيش نفسك لعبة سهلة ولا تسلية ومتديش تليفونك لحد غير لما تتاكدي انه بنت

ومتقوليليش على شات ازاي هتتاكدي انه بنت ولا ولد......

بيبان يا حبيبتي من طريقة الكلام

يعني مثلا البنات بتتكلم مع بعض في مواضيع معينة وكمان تحسي ان البنت مش ملهوفة وهي بتتكلم معاكي واكيد البنت مش هيهما شكلك اوي يعني مش هتقولك اوصفيلي نفسك ولا هتقولك انتي لابسة ايه دلوقتي ؟؟؟؟؟

متخليش الشيطان يضحك عليكي ويرسم في احلامك ورود ملونة تصحي منها على واقع اليم


ربنا عاوزك تكوني لراجل واحد بس هو اللي يصونك ويحميكي وانتي بتبيعي نفسك بالرخيصصصصصصصصصص

موش بقولك متدخوليش الشات ابدا

يا ستي ادخلي بس خلي بالك بالله عليكي

اتكلمي مع ولاد عادي بس اوعي تحسيسيهم ان انتي ممكن ييجي منك او تتهاوني معاهم في الكلام واحسن انك متكلميش ولاد ع الخاص عشان برضه فيه نوع من الخلوة

لما يكون الكلام مجموعة ناس اكيد هتفرق لما تكونو لوحدكو

صدقيني انا عاوزة مصلحتك انتي ايوة انتي لانك اختي اللي معرفهاش اللي هتقرى موضوعي وتقولي بس انا موش من البنات اللي ممكن ينضحك عليها

اقسم لك بالله العظيم ان كل بنت ولها طريقة لو وصلت انه ييجي يكلم باباكي عشان يبقى بعلم الاسرة وبرضه يتسلى بيكي ويخلع بعد كده

وياما بنات كانت احسن منك انتي يا اللي بتقري الموضوع دلوقتي ووقعت في المصيدة وضاعت وضيعت اهلها ومستقبلها


بنات كانت ورع ايه وتقوى ايه لكن في الاخر راحت مع اللي راحو

بنات وردات كانت مزينة شجرة الاسرة اتقطفت واترميت واداس عليها بالرجلين في بستان الحياة


غيري على نفسك علي نفسك اوي لانك تستاهلي كده

متبيعيش نفسك لحد غير اللي عاوز قعلا يشتري

هيقولك انا في بلد تانيه بس بحبك اوي هتلاقيه فجاة قال لك انا عاوز اشوفك ويطلع من المحافظة اللي انتي فيها


هتلاقي كلامه بيلمح لحاجات مش مظبوطة سيبيه و اعملي له ايجنور من غير ما تاخدي رايه ولا تقولي انا عاوزة اصلحه

لانك لا تهتدي من احببت ولكن الله يهدي من يشاء

عاوزة تصلحي حد ما تعمليش حاجة غير الدعاء


هتلاقيه يقولك احنا اخوات وانا خايف عليكي من الكلام ع الشات ده اعرفي انه بيضحك عليكي عشان تنقلو الكلام ع الميل او التليفون

هتلاقيه يقولك انا عندي مشكلة وعاوز افضفض لك انتي بس اعرفي انه بيخدعك

بالله عليكي ما تسيبيش الصفحة اللي انتي بتقريها دلوقتي غير وانتي عاقدة العزم على ان انتي لا يمكن هتدخلي في علاقة عاطفية على النت



هيقولك انا عاوز اتجوزك لانك بنت محترمة جدا وانتي احسن واحدة شفتها ع النت


قولي له خد تليفون بابا هتلاقيه مدخلش الشات تاني

تعرفي ايه اللي ممكن يحصل


يبدا الكلام عادي يحس ان انتي ضعيفة او عندك مشاكل عاطفية يعني محتاجة حنان او اي حاجة زي كده

يبدا في رمي الشباك واحدة واحدة وبراااااااااااااااااااااااااااحه وانتي مش واخدة بالك

وفجاة تلاقيه بيقولك انا "بحبببببببببك"

ايوة تعرفي لما يكتب بحبك بحروف ب كتير انه بيضحك عليكي


لو ربنا مقدر لك ان انتي تتجوزي حد من ع النت هتجوزيه لو سبتي النت قبل ما يعرف عنك حاجة لانه لو عاوزك بجد هيجيبك
وهيقولك اول حاجة عاوز اكلم بابا

موش هيقولك انا لسه بدرس او عندي امتحانات او معنديش شغل كويس او او او


اوعي تنخدعي

اوعي تنخدعي

اوعي تنخدعي

عارفة كمان لما تتكلمي معاه ع الاميل وانا قلت لك انه حرام


موش هيكفيه انك تكلميه لوحده وبس لا لانه طماع هيقولك طب ما تفتحي المايك نفسي اسمع صوت"اختي " او لو انتو في بينكو غير كده

وبعد كده طب الكاميرا ده انا عايش بره البلد يعني موش هضرك

طب انا مش هعرف ادخل الشات تاني واحتمال اروح حتة مفيهاش نت

ممكن تليفونك عشان اطمن على "اختي "

وفجاة تلاقي رقم من جوه بلدك بيتصل بيكي ويقولك انا عاوز اشوفك

انت مين يا عم انت

ده اللي انتي كنتي تكلمه ك "اخ"

لان بجد مفيش حاجة اسمها اخوة دي شعارات كاذبة وراها "كل ما خفي كان اعظم"


البنت ربنا خلقها لراجل واحد

لكن الراجل ميكفيهوش الاربعة اللي ربنا شرعهم في الاسلام

عاوز الكل عاوز كتير موش بيشبع يقى متجوز وعاوز يتكلم مع دي ويمشي مع دي ويبوص لدي

موش عاوزة اخلص كلام بي اكيد انتي اتعرضتي لمواقف هانتك هانت انسانيتك وصفتك البشرية بس مهما كتبت لا يمكن هقدر اعمل لك حاجة غير لما تكوني انتي عاوزة تعملي

بالله عليكي اوعديني بينك وبين نفسك ان انتي مش هتعملي كده تاني


واقتنعي ان مفيش حاجة اسمها اخوة ولا صداقة بين بنت وولد


في حاجة اسمها انه عاوز يستغلك عشان ده طبعه


وعشان اللي بيحركه من جوه حاجة تانيه خالص غير الاخوة والصداقة


اقسم لك بالله العظيم انك ممكن تكلمي واحد اصغر منك وتثقي فيه وتعامليه على انه اخوكي الصغير وبعد كده تلاقيه بيقوولك كلام عجيب و بيفكر فيكي بطريقة مختلفة


خافي على نفسك عشان انتي لؤلؤة متصانة متقوليش موش هيضرني كلام من ورا شاشة كومبيوتر

اقسم لك بالله العظيم هيضرك

هتسمعي في كلام حب كتير كتير كتير وتقولي انا موش مصدقة وعارفة انه بيكدب بس ادينا بنتسلى

سيبك من الحرمانية في كده بس انتي اعلى من كده ليه تنزلي نفسك

مشاعرك هيجيلها وقت وتنبقى منهكة هتلاقي نفسك مش قادرة تحبي جوزك لان مشارعك استهلكت قبل الزواج في علاقات "محرمة" وربنا مش راضي عنها


بنهي كلامي لاني تعبت من الكتابة موش لان الكلام خلص مني


ربنا يكرمك يا حبيبتي ويبعد عنك ولاد الحرام


_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ms Ghada



الساعة :
مصر
انثى عدد المساهمات : 448
نقاط : 725
التقييم : 23
تاريخ التسجيل : 08/03/2012
المزاج :

مُساهمةموضوع: رد: خافى على نفسك   السبت أبريل 07, 2012 10:32 pm

رااااائع يا توتي
الحقيقة ان كل كلمة في موضوعك ده انا اعتبرها درة بتهديها لاخواتك
فعلاً البنت بتعرض نفسها لخطر كبير
و كمان للوقوع في المحظور
لما بتضحك على نفسها و تتساهل في محادثة شاب على الشات
ربنا يستر بناتنا جميعاً

يثبت الموضوع للاهمية

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نرمين مهدى




الساعة :



مصر
انثى عدد المساهمات : 571
نقاط : 1224
التقييم : 9
تاريخ التسجيل : 10/03/2012
الموقع : www.mustafahosny.com
المزاج :

مُساهمةموضوع: رد: خافى على نفسك   الأحد أبريل 08, 2012 10:51 am

برافو عليكى يا توتى هو ده الموضوع الا لازم البنات تاخد بالها منه وان ده كلام مش صح انك تكلمى ولد اذا كان على الشات اوغيره ربنا يهدى كل البنات ويرزقهم الحب الحلال

_________________
صلواعلى سيد المحبين والمحبوبين

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
توتى عادل




الساعة :




مصر
انثى عدد المساهمات : 522
نقاط : 1497
التقييم : 15
تاريخ التسجيل : 20/03/2012
العمر : 22

مُساهمةموضوع: رد: خافى على نفسك   الثلاثاء أبريل 10, 2012 9:15 pm



_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خافى على نفسك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مدرسة كفر الدوار الثانوية الصناعية بنات :: ركن بنات و بس .. :: كلام بنات .. ممنوع دخول الرجال-
انتقل الى: